أسئلة وأجوبة للطلاب الراغبين في الالتحاق ببرامج كلية العلوم بجامعة سوهاج
س1: كيف يتم قبول الطلاب في البرامج الخاصة للكلية؟
ﭼ: تقبل الكلية جميع الطلاب الحاصلين على مجموع الدرجات التي يحددها مكتب التنسيق علمي علوم وعلمي رياضة
ﭼ: أي طالب مجموعه يقبل في أي كلية من كليات العلوم بجميع محافظات مصر سواء كان شعبة علمي علوم او علمي رياضة وتم ترشيحه في أي كلية أخرى على مستوى الجمهورية بيتم قبوله في البرامج الخاصة حتى لو تم ترشيحه لحقوق الفيوم أو تجارة دمنهور أو آلسن الزقازيق أيوه مش شرط انه يكون تم ترشيحك لكلية علوم طالما مجموعك مش اقل من المجموع الموجود بالأعلى 
يبقى هيتم قبولك
س2: أنا جالي علوم المنيا أو الأقصر أو أسيوط وتقليل الاغتراب تم رفضه هل ممكن تقبلوني في كلية العلوم في الأقسام العامة؟
ﭼ: للأسف لا يتم قبول الطلاب في الأقسام العامة للكلية إلا عن طريق ترشيح من مكتب التنسيق علوم سوهاج ، لكن يتم قبولك بالبرامج الخاصة فقط
س3: ماهي برامج كلية العلوم اللي ينفع نقدم عليها؟ وكام مصروفتها؟
تكلفة البرنامج في السنة
ﭼ: 1-برنامج جيولوجيا المياه 10.000
2-برنامج الإحصاء الرياضي والبرمجة 10.000
3-برنامج البيولوجيا الجزيئية والطفيليات 10.000
4-برنامج الفيزياء الحيوية الطبية 10.000
5-برنامج (بيوتكنولوجي) التكنولوجيا الحيوية الجزيئية 10.000
6-برنامج الكيمياء الحيوية 15.000
7-برنامج الجيولوجيا الهندسية ومواد البناء 10.000
س4: كيف يتم دفع المصروفات وهل توجد مصاريف إضافية وهل بيتم دفع المبلغ مرة واحدة ولا على دفعات؟ وهل فيه زيادة كل سنة؟
ﭼ: المصروفات بيتم دفعها عن طريق تطبيق فوري والدفع هيكون مع بداية الدراسة والطالب بيتعمله حساب على منصة زاد الجامعية بيدخل يصور الكود وبيدفع في أي ماكينة فوري داخل الجامعة أو خارجها أو يدفع عن طريق فيزا حسابه أو حساب ولي أمره. ولا يوجد سداد نقدي بالكلية.
فيه مبلغ يتراوح من 1100 إلى 1500 جنيه مصاريف كارنيه بيتم دفعها كل أول سنة ليس لها علاقة بمصاريف البرنامج.
تكلفة البرنامج بيتم دفعها على قسطين، مره كل فصل دراسي
مصاريف البرنامج الخاصة ثابتة من سنة أولى ولو فيه زيادة بتكون بقرار من مجلس الجامعة
س5: هل فيه تخفيض علشان والدي متوفي أو مش شغال أو ظروفي صعبة؟
ﭼ: للأسف لا يوجد تخفيض للمتقدمين للبرامج الخاصة.
س6: أنا سجلت ومقدرتش ادفع المصروفات هل ينفع ادفع أخر الترم أو نهاية السنة الدراسية؟
ﭼ: للأسف خلال أسبوع من الإعلان عند موعد دفع الرسوم مع بدابة الدراسة لو الطالب لم يسدد بيتم استبعاده من كشف المقبولين بالكلية وبيرجع للكلية الأولى اللي كان مترشح ليها.
س7: انا قدمت على برنامج في الكلية بس أنا خلاص رجعت في كلامي وعايز أرجع للكلية اللي أنا كنت مترشح ليها ومكتب التنسيق رشحها لي؟
ﭼ: هناك موعد للانسحاب من التقديم في البرامج الخاصة (سيتم تحديد الموعد ) بعد هذا التاريخ بيتم إرسال الأسماء إلى مكتب التنسيق ومش هينفع الطالب يترك الكلية إلا بعد مرور سنة دراسية كاملة.
س8: التنسيق رشحني لكلية العلوم جامعة أسيوط وانا عايز اخذ سنة في أسيوط واحول على علوم سوهاج هل ينفع؟ ولو عايز ادخل برنامج خاص هل بيتم قبولي؟
ﭼ: ينفع تحول من أي كلية علوم في مصر بعد ما تاخد سنة أولى بشرط أنك تكون ناجح صافي ومنقول للصف الثاني بس ده في حدود نسبة 10% من أعداد الطلاب
ﭼ: حولت من علوم أسيوط وكنت ناجح ومنقول للصف الثاني وعايز تدخل في برنامج خاص.
ينفع تدخل في برنامج خاص بشرط هيتعمل ليك مقاصة والكلية تشوف ايه اللي درسته وأيه اللي محتاج تدرسه وده بشرط أنك علشان تدخل المستوى الثاني من البرنامج لازم تدفع رسوم المستوى الأول كاملة، والمستوى الثاني وفقا للائحة.
س9: أخذت سنة دراسية بالكلية في البرامج الخاصة وللأسف ما توفقتش فيها وطلعت بمواد هل ينفع ارجع لكليتي اللي مكتب التنسيق رشحني ليها؟
ﭼ: مفيش كليه مناظره هتقبلك لازم تكون ناجح، بس ممكن تحول لكليه اخرى غير مناظره، ذي أدأب أو تجاره حسب مجموع الثانوية العامة في سنة الحصول عليها
س10: قدمت على برنامج خاص في الكلية وحبيت احول لبرنامج اخر في نفس الكلية هل ينفع؟
ﭼ: لو بطاقة ترشيحك علوم سوهاج، أه ينفع بس خلال اول أسبوع من الدراسة في المستوى الاول علشان امتحانات الميدتيرم، لكن لو بطاقة ترشيحك ليست علوم سوهاج لا يمكن التحويل.
س11: هل ينفع أقدم في أكثر من برنامج وبعد كده اختار؟
ﭼ: للأسف لو قدمت في أكثر من برنامج بيتم استبعادك من البرنامج وبالتالي مش هتتقبل.
س12: كم عدد أيام الدراسة خلال الأسبوع في الكلية؟
ﭼ: كلية العلوم شغالة طوال أيام الأسبوع حسب جدول كل برنامج ماعدا يوم الجمعة والدراسة من 8 ص إلى 8 م يوميا حسب الجدول مش كل الأيام للساعة 8 م ومش كلها من الساعة 8ص.
س13: دخلت الكلية ودفعت مصروفات الترم الأول وامتحنت الترم الأول وبعد كده قدمت على كلية أخرى ومش هكمل الترم الثاني هل ينفع ما أدفعش مصروفات الترم الثاني وانا مش هكمل في الكلية ؟
ﭼ: للأسف طالما حجزت مكان في الكلية وبدأت دراسة لازم الرسوم يتم سدادها كاملة
س14: ماهي مميزات كل برنامج اختار ما بينهم إزاي؟
ﭼ: هتدخل على الصفحة الإعلامية لكلية العلوم هتلاقي في توضيح للمواد الدراسية لكل برنامج ومجالات سوق العمل لكل برنامج
س15: ماهي الأوراق المطلوبة للتقديم للكلية؟
ﭼ: أصل شهادة الثانوية العامة + عدد (5) صور من شهــادة الثـــــانوية العــامة
أصل شهادة الميلاد + عدد (5) صور من شهـادة الميــلاد الثــلاثيـــة الحديثــة
عدد (3) صور من بطـــاقة التـرشيــــح
عدد (5) صور من بطاقة الرقم القومي للطالب وش وظهر
عدد (5) صور من بطاقة ولي الأمر وش وظهر
عدد (
صور شخصية للطالب
طلب التحاق موجود على قناة الواتس ٱب لشؤون الطلاب بيتم طباعته وتعبئته وتصويره ورفعه على اللينك
إقرار من الطالب موجود على قناة الوات ساب لشؤون الطلاب بيتم طباعته وتعبئته وتصويره ورفعه على اللينك
استمارة الكشف الطبي بيتم طباعتها وتستخدم عند تحديد موعد الكشف الطبي
استمارة ٢ جند + (6 او ٧) جند استمارة ٦ او ٧ جند لازم تكون مختومة من المركز التابع ليه الطالب. للطلاب الذكور
س16: هل ينفع أقدم على برنامج إحصاء وبرمجة وانا علمي علوم؟
ﭼ: ينفع تدخل برنامج إحصاء وبرمجة سواء كنت علمي علوم أو علمي رياضة
س17: ماهي البرامج المتاحة لعلمي رياضة؟
ﭼ: متاح لطالب علمي رياضة الدخول في البرامج التالية:
برنامج إحصاء وبرمجة
برنامج جيولوجيا المياه
برنامج جيولوجيا هندسية
برنامج الكيمياء الحيوية
برنامج الفيزياء الحيوية الطبية
س18: متى تتم إجراءات الكشف الطبي؟ ومكانه؟
ﭼ: سيتم التحديد لاحقا
س19: هل البرامج الخاصة متاحة للطلاب الغير مرشحين لكلية العلوم؟
ﭼ: البرامج الخاصة متاحة بشرط حصولك على الحد الادنى لكليات العلوم على مستوى الجمهورية
س20: طالب البرامج الخاصة هل ليه الحق السكن في المدينة الجامعية؟
ﭼ: مكتب التنسيق لو مرشحك على كلية أخرى غير كلية العلوم بسوهاج مثال علوم الفيوم-علوم المنصورة – تجارة بني سويف – حقوق إسكندرية وقدمت برامج خاصة فلا يوجد سكن جامعي لك. في الحالة دي بتاخذ سكن خاص خارج الجامعة
س ٢١: هل متاح لي اي برنامج عام ادخله؟
هناك تنسيق داخلي بناء شروط للتشعيب يتم تحديدها كل عام، والاولوية للمجاميع الاعلى
قناة شئون الطلاب على الواتساب
س ٢٢ هل هناك موقع لكلية العلوم على الانترنت
ج. الكليه لها موقع ولها صفحة اعلامية
موقع كلية العلوم بسوهاج
الصفحة الاعلامية لكلية العلوم بسوهاج
يمكنك التعرف على الكلية من خلالهما